Myen mung na shilaika langai re ai "New Light Of Myanmar" kaw Myen gaw KIA hpe majan shawng hpang ai wa ngu mara shakun ai shilaika 2011 June shata 18 kaw pru wa sai. KIA kaw na shawng gap hpang wa na sha Myen gaw bai nhtang gap ai ngu tsun ai. KIA gaw May shata praw 5 ya kaw malihka ntsa kaw galaw shachyaw ngai ai miwa Lahsa Hydro-power Project kaw amu galaw nga ai miwa mung masha ni hpe jahkrit sadi jaw na, dai amu galaw nga ai shara kaw na aten lahkawng ya laman hta htawt pru ra na ngu tsun ai. Grau nna, KIA gaw June 8 hta dai Hydro-power kaw sin nga ai Myen hpyen la langai mi hpe rim mat ai hte seng na myen hpyen du lahkawng sa san sagawn ai hpe, KIA kaw na dai hpyen du lahkawng hpe ma rim kau ma ai ngu ka da nga ai. Ndai zawn re Tarpein Hydro-power project gaw arang kaba ai hte maren myen gaw KIA hpe dai project shara kaw na 2011 June shata praw 11 hta hpang jahtum htawt na matu tsun tim KIA kaw na madat mara nnga ai majaw, myen kaw na gara hku mung nmai yen na KIA hpe kasat ai ngu ka da ai. Dai hpe KIA kaw na matai htang ai hku na mahkrai (25) hpe bawm kapaw jahten ai ngu tsun ai. Ndai zawn re, amu galaw nga ai miwa mung masha ni hte myen asuya hpyen ni hpe KIA kaw na shawng jahkrit ai hte Tarpein hydro-power project hpe jahkring na galaw wa na, myen asuya gaw dai hydro-power project hpe makawp maga mayu ai myit hte sha KIA hpe kasat ai ngu tsun ai.
http://www.eastwindburma.net/eng/index.php?option=com_content&view=article&id=972:burmas-state-run-media-blames-kachin-rebels-defensive-war&catid=81:myanmar-news&Itemid=458
No comments:
Post a Comment